فردوس شمیم نقوی نے کہا ہے کہ عمران خان جو وعدہ کرتا ہے پورا کرتا ہے۔

پی ٹی آئی رہنماء فردوس شمیم نقوی نے اپنے ایک بیان میں کہا کہ کپتان نے عوام کو پاکستان کے خاطر25 مئی کو  نکلنے کی کال دیدی ہے۔

انہوں نے کہا کہ عوام نکلو غداروں کو عیاں کرنے کی خاطر، عوام نکلو اپنی نسلوں کے بہتر مستقبل کے خاطر جبکہ ہم نے ظالم کیخلاف سب سے بڑی جہاد کلمہ حق بلند کرنا ہے۔

فردوس شمیم نقوی کا کہنا تھا کہ پاکستان کے ساتھ غداری اور ظلم ہوا، اس صورتحال میں گھر بیٹھنا ظلم ہےیہ وقت جہاد کا ہے۔

پی ٹی آئی رہنماءنے اپنے بیان میں عوام سے اپیل کرتے ہوئے کہا کہ عوام  25 مئی کو پاکستان کی خاطر گھروں سے نکلیں۔

پی ٹی آئی رہنماء فردوس شمیم نقوی کا مزید کہنا تھا کہ عمران خان جو وعدہ کرتا ہے پورا کرتا ہے۔ عمران خان کا سب کچھ پاکستان میں ہے پاکستان کیلئے وہ اپنا سب کچھ لٹانے کیلئے تیار ہے۔

دوسر جانب پاکستان تحریک انصاف سندھ نے پارٹی احتجاج کے مقامات کا اعلان کر دیا۔

پاکستان تحریک انصاف سندھ کے ترجمان نے صوبے میں احتجاج کے مقامات کا اعلان کرتے ہوئے کہا کہ پارٹی 25مئی کو کراچی نمائش چورنگی پر احتجاج کرے گی جبکہ سکھر میں پریس کلب کے باہر احتجاج کیا جائے گا۔

پارٹی ترجمان کا کہنا تھا کہ حیدرآباد میں حیدرچوک اور نواب شاہ شیراز چوک پر احتجاج ہو گا جبکہ عمرکوٹ میں اللہ والا چوک اور پریس کلب کے مقام پر احتجاج ہو گا۔

پی ٹی آئی سندھ کے ترجمان نے کارکنوں کو میرپورخاص میں پوسٹ آفس چوک کے مقام پر جمع ہونے کی ہدایت کی ہے۔

پاکستان تحریک انصاف سندھ کے ترجمان کا مزید کہنا تھا کہ شکارپور میں جہاز چوک جبکہ جیکب آباد میں ڈی چوک پر احتجاج ہو گا۔