وزیراعظم شہباز شریف کی جانب سے لاہور میں رات کے وقت بغیر پروٹوکول کے مختلف علاقوں کا دورہ کیا گیا ہے۔

وزیر اعظم آفس کی جانب سے شیئر کیے گئے ویڈیو کلپ میں شہباز شریف سامنے والی مسافر سیٹ پر بیٹھے نظر آ رہے ہیں، جو دوسرے مسافروں کو واضح طور پر دکھائی دے رہے ہیں۔

https://cdnurdu.bolnews.com/urdu/wp-content/uploads/2022/05/1651802603.mp4?_=2

دوسسری جانب باہر، بائیک سوار حکومت کے حق میں نعرے لگاتے نظر آ رہے ہیں جن کا جواب وزیر اعظم نے ہاتھ ہلا کر دیا۔

سکیورٹی پروٹوکول کے بغیر لاہور شہر کے مختلف علاقوں کے دورے کے دوران ان کا کہنا تھا کہ گزشتہ حکومت کی بدترین غفلت، سستی اور کرپشن کے باعث ملک میں وافر پاور پلانٹس ہونے کے باوجود لوڈشیڈنگ میں اضافہ ہوا ہے۔

عام آدمی کے مسائل پر سابقہ ​​حکومت کی بے پروائی پر تنقید کرتے ہوئے وزیراعظم نے کہا کہ پی ٹی آئی حکومت کو عوام سے کوئی ہمدردی نہیں اور ان سے رابطہ منقطع کر دیا گیا ہے۔