سندھ بھر میں نقل مافیا کے راج کے بعد صوبائی وزیر تعلیم  نے اہم فیصلہ لے لیا ہے۔

تفصیلات کے مطابق صوبائی وزیر تعلیمی بورڈز اسماعیل راہو نے نقل اور اپنی جگہ کسی اور فرد کو امتحان میں بٹھانے والوں پر ایک سے 3 سال پابندی لگانےکا عندیہ دے دیا ہے۔

وزیر تعلیمی بورڈز اسماعیل راہو نے کہا کہ نقل اور اپنی جگہ کسی اور فرد کو امتحان میں بٹھانے والوں پر ایک سے تین سال تک پابندی لگانے جا رہے ہیں، ہمیں سندھ میں نقل روکنے کہ لئے مزید سخت فیصلے لینے ہونگے۔

انہوں نے کہا کہ  بچوں کو نقل جیسی بیماری سے بچانا ہوگا جبکہ نقل کروانے والے اساتذہ، والدین اور مافیاز کے خلاف بھی ایکشن ہوگا۔

وزیر جامعات بورڈز کا کہنا تھا کہ سکھر کے امتحانی مراکز میں ایک دن میں طالبعلموں کے خلاف بڑاایکشن کیا گیا جس میں 400سوسے زائد موبائل فون پکڑے گئے۔

اسماعیل راہو نے کہا کہ کراچی، حیدرآباد اور رانی پور میں 196 طالبعلم نقل کرتے اور 61فرد کسی اورکی جگہ امتحان دینے پر پکڑے گئے۔

وزیر بورڈز سندھ اسماعیل راہو کا کہنا تھا کہ سندھ میں نقل روکنے کے لئے سخت فیصلے کیے ہیں،  ٹیموں کوامتحانی مراکز میں الرٹ کردیا گیا ہے۔