پاکستان کی معروف، خوبصورت، باصلاحیت اداکارہ اور ٹیلی ویژن پریزینٹر منشا پاشا اپنے کئی اہم اور معاون کردار ادا کرنے کے لیے نیٹیزنز میں مشہور ہیں۔

لیکن اس بار انہوں نے اپنی بہنوں کے ساتھ مل کر ایسا کام کیا ہے کہ جس نے بھی سنا داد دئیے بنا نہ رہ سکا۔

منشا نے ڈرامہ سیریل ہمسفر میں اپنے کیریئر کا آغاز انتہائی معمولی کردار سے کیا جس کے بعد وہ دوسرے ڈراموں میں نظر آنے لگیں۔

منشا کو ڈرامہ سیریل “زندگی گلزار ہے” میں اپنے کردار کے بعد عوامی پذیرائی ملی۔

وہ ڈرامہ سیریل میں “کشف” ان کے بہن کے کردار کو کافی پذیرائی ملی اور عوام نے ایک معاون کردار کے طور پر اسے خوب پسند کیا۔

منشا کے مشہور ڈرامہ سیریلز میں “محبت تجھے الوداع”، “خودغرض”، “تو دل کا کیا ہوا”، “سرخ چاندنی” اور دیگر شامل ہیں۔

منشا فلموں میں بھی اپنے فن کے جوہر دکھا آچکی ہیں۔ ان کی فلم “لال کبوتر” ہٹ رہی اور اسے ناظرین نے پسند کیا۔

حال ہی میں، منشا نے اپنے مداحوں اور نیٹیزنز کا دل جیت لیا کیونکہ انہوں نے اپنے والد کے لیے ایک انتہائی نیک کام کیا ہے۔ انہوں نے اپنے والد کے لیے مسجد بنوائی ہے۔ منشا نے یہ خبر اپنے انسٹاگرام پر تصاویر کے ساتھ پوسٹ کی ہے۔

اس کے ساتھ ہی انہوں نے قرآن پاک کی ایک آیت شیئر کرتے ہوئے لکھا کہ اس مقدس مہینے میں انہوں نے اور ان کی بہنوں نے اپنے والد کی پیاری یاد میں ایک مسجد مکمل کی ہے۔

منشا نے ان کارکنوں اور خیر خواہوں کا بھی شکریہ ادا کیا جنہوں نے اس کے لیے دعا اور حمایت کی۔

مسجد کا نام مسجد طارق رکھا گیا ہے۔ اس پروجیکٹ کو منشا اور ان کی بہنوں زینت، ماریہ اور حنا نے مکمل کیا۔