وزیر اعلیٰ خیبر پختونخوا نے کہا ہے کہ امپورٹیڈ حکومت کا خاتمہ جلد ہوگا۔

وزیر اعلیٰ خیبر پختونخوا محمود خان نے اپنے ایک بیان میں کہا کہ عمران خان تین مہنوں بعد دوبارہ ملک کے وزیراعظم ہوں گے اور امپورٹیڈ حکومت کا خاتمہ جلد ہوگا۔

انہوں نے کہا کہ سوات کو ترقی کے نئے دور میں داخل کر دیا، سوات سمیت پوری خیبرپختونخوا میں اربوں روپے کے میگا پراجیکٹس کئے۔

محمود خان نے یہ بھی کہا کہ مالاکنڈ اور ہزاراہ ڈویژن میں پچھلے سال پچیس لاکھ ٹورسٹ سیاحتی مقامات گئے، سیاحوں کی بڑی تعداد سے 60 ارب سے زائد فائدہ ہوا۔

وزیر اعلیٰ خیبر پختونخوا کا کہنا تھا کہ سوات موٹروے فیز ٹو کا سنگ بنیاد رکھ دیا، سوات موٹروے فیز ٹو سوات کے ترقی میں اہم کردار ادا کرے گا جبکہ سوات موٹروے پر مقامی لوگوں کی تحفظات دور کریں گے۔

ان کا یہ بھی کہنا تھا کہ ہم نے عوام  کے ریلیف دینے کے لیے صوبے سے اربوں روپے پیسکو اور سوئی گیس محکموں کو جمع کرائے ہیں، اب امیر مقام تعصب کے بنیاد پر پیسکو اور سوئی گیس منصوبوں میں رکاوٹ ڈال رہے ہیں۔

محمود خان نے کہا کہ غلامی سے نجات کے لیے تمام کارکنان عمران خان کے کال پر اسلام آباد جائے گے، وفاق سے اپنا حق ہر صورت لینگے۔

وزیر اعلیٰ خیبر پختونخوا محمود خان نے مزید کہا کہ میں وزیر اعلیٰ کی حثیت سے بھی شہباز شریف کے ساتھ بیٹھنا پسند نہیں کرتا، امپور ٹیڈ حکومت کا خاتمہ کر نا ہے، ہم غلامی کے زنجیروں کو توڑ کر رہے گے۔