پاکستان کرکٹ بورڈ (پی سی بی) نے ملک میں افراتفری کی سیاسی صورتحال کی وجہ سے جاری کنڈیشننگ کیمپ کو دوبارہ ترتیب دیا ہے۔

تفصیلات کے مطابق سیاسی تناؤ کے درمیان، پی سی بی نے کنڈیشنگ کیمپ کے دوسرے دور کے انعقاد کے منصوبے کو روک دیا ہے۔

ویسٹ انڈیز کے خلاف آئندہ محدود اوورز کی سیریز کی تیاری کے لیے 33 کرکٹرز کیمپ میں حصہ لینے کے لیے تیار تھے۔

بورڈ کی جانب سے  کھلاڑیوں کو اپنے آبائی علاقوں کو واپس جانے کی ہدایت کی گئی ہے اور کنڈیشنگ کیمپ کی نئی تاریخوں کا اعلان بعد میں کیا جائے گا۔

یہ بھی پڑھیں: سیاسی کشیدگی کے باعث ویسٹ انڈیز کے خلاف ہوم سیریز  بھی خدشات کا شکار

اس کے علاوہ پی سی بی نے سٹی کرکٹ ایسوسی ایشن کے ٹرائلز کو بھی ملتوی کرنے کا فیصلہ کیا ہے جو بالترتیب شمالی، جنوبی اور سندھ کے علاقوں میں 25 مئی کو شروع ہونے والے تھے۔

واضح رہے کہ پاک ویسٹ انڈیز  سیریز کی منصوبہ بندی اصل میں نومبر 2021 میں کی گئی تھی لیکن ٹورنگ سائیڈ کے کیمپ میں کوویڈ 19کے کیسز سامنے آنے کے بعد سیریز کو منسوخ کر دیا گیا تاہم  یہ سیریز آئی سی سی مینز کرکٹ ورلڈ کپ 2023 سپر لیگ میں شمار ہوگی۔