سابق وفاقی وزیر فواد چوہدری نے کہا ہے کہ پنجاب کی امپورٹڈ حکومت ختم ہو چکی ہے۔

سماجی رابطے کی ویب سائٹ پر اپنے ایک پیغام میں پاکستان تحریک انصاف کے رہنما اور سابق وفاقی وزیر فواد چوہدری نے الیکشن کمیشن کے منحرف ارکان کے متعلق فیصلے پر بات کی ہے۔

آج پنجاب کی امپورٹڈ حکومت اب عملی طور پر ختم ہو چکی ہے نام نہاد وزیرُاعلیٰ حمزہ شہباز کوئ شرم کریں اور آج الیکشن کمیشن کے فیصلے کے بعد فوری استعفیٰ دیں، کوئ ایک ایسی روائیت چھوڑیں جس پر انھیں کوئ تو مثبت کمنٹ دیا جا سکے، #استعفی_دو

— Ch Fawad Hussain (@fawadchaudhry) May 20, 2022

 انہوں نے اپنے پیغام میں کہا کہ نام نہاد وزیراعلیٰ پنجاب حمزہ شہباز کوئی شرم کریں کہ آج پنجاب کی امپورٹڈ حکومت اب عملی طور پر ختم ہو چکی ہے۔

انہوں نے مزید کہا کہ الیکشن میشن کے آج ہونے والے فیصلے کے بعد انہیں چاہیئے کہ یہ فوری طور پر استعفیٰ دیں ۔

اس موقع پر اسد عمر نے  پریس کانفرنس کرتے ہوئے کہا کہ قوم کو مبارکباد دیتا ہوں، قوم نے جس طرح ضمیروں کی بولی لگتے دیکھی، آج اس گھناؤنی سیاست کا باب بند ہوا۔

انہوں نے کہا کہ یہ لوگ پیسہ لگاتے ہیں، حکومت میں آتے ہیں اور مزید پیسہ کماتے ہیں، ہمیشہ اس قسم کی سیاست کیخلاف آواز عمران خان نے اٹھائی۔

 اسد عمر نے کہا کہ الیکشن کمیشن نے پچیس لوٹوں کے ایم پی اے نہ ہونے کا فیصلہ سنایا، ان سیاستدانوں نے جنہوں نے کروڑوں روپے لگائے ان لوٹوں کو خریدنے میں وہ اب صرف واش روم کیلئے رہ گئے۔

خیال رہے کہ الیکشن کمیشن کی جانب سے پنجاب اسمبلی میں پاکستان تحریک انصاف کے 25 منحرف ارکان کو نااہل قرار دیتے ہوئے ان کی رکنیت معطل کردی گئی ہے۔