پاکستان تحریک انصاف کے قومی سیمینار کی تیاریاں مکمل ہوگئیں ہیں جس میں پارٹی چئیرمین عمران خان سیمینار میں بطور مہمان خصوصی شرکت کرینگے۔

تفصیلات کے مطابق پی ٹی آئی کی جانب سے ’’حکومت کی تبدیلی کی سازش اور پاکستان کا عدم استحکام” کے عنوان سے سیمینار آج اسلام آباد میں منعقد کیا جائے گا۔

عمران خان سیمینار سے صدارتی خطاب بھی کریں گے، سیمینار میں سازش کے ملکی معیشت اور قومی سلامتی پر اثرات پر بھی تفصیلی بات کی جائے گی۔

پاکستان تحریک انصاف کے قائدین، کارکنان اور مختلف مکاتبِ فکر کے اہلِ دانش بڑی تعداد میں شرکت کریں گے جبکہ ذرائع ابلاغ کے نمائندوں کو خصوصی طور پر سیمینار میں مدعو کیا گیا ہے۔

خیال رہے کہ سیمینار سے متعلق پی ٹی آئی کی تمام تر تیاریاں مکمل ہوچکی ہیں۔