ملتان میں عالمی یوم ماحولیات کے سلسلے میں شاندار سائیکل ریس کا انعقاد کیا گیا ہے۔

تفصیلات کے مطابق ضلعی انتظامیہ کے زیر اہتمام سائیکل ریس میں سائیکلسٹ نے بھرپور شرکت کی جبکہ ایڈیشنل کمشنر ارشد گوپانگ،اسسٹنٹ کمشنر سٹی خواجہ عمیر نے سائیکل ریس کا افتتاح کیا۔

ریلی میں سائیکلسٹ محمد احسن نے پہلی پوزیشن محمد رمضان رنز اپ اور عمر اشفاق تیسرے نمبر پر رہے۔

 ایڈیشنل کمشنر ارشد گوپانگ نے فاتحین میں انعامات تقسیم کرتے ہوئے کہا کہ  ایڈیشنل چیف سیکریٹری جنوبی پنجاب کی ہدایت پر سائیکل ریس کا انعقاد کیا گیا۔

ارشد گوپانگ کا کہنا تھا کہ صحت مندانہ سرگرمیاں ماحولیاتی آلودگی کے خاتمے کا بھرپور پیغام دے سکتی ہیں، صحت مند معاشرے غیر نصابی سرگرمیوں کو ترجیح دیتے ہیں۔

ایڈیشنل کمشنر نے کہا کہ ضلعی انتظامیہ کرکٹ میچ اور میراتھن سمیت مخلتف پروگرام کرائے گی، کمشنر طاہر وٹو کی ہدایت پر مثبت سرگرمیوں کا سلسلہ جاری رکھا جائے گا

انہوں نے کہا کہ سائیکل ریس کے کامیاب انعقاد پر انتظامیہ کے مشکور ہیں۔