عالمی شہرت یافتہ بھارتی پنجابی گلوکار سدھو موسے والا کو گزشتہ ماہ 29 مئی کو قاتلوں نے فائرنگ کرکے قتل کر دیا تھا۔

اب دوران تفتیش مرکزی قاتل نے یہ انکشاف کیا ہے کہ انہوں نے 27 مئی کو بھی سدھو موسے والا کا تعاقب کیا تھا مگر اس دن وہ لوکل سڑک کی بجائے ہائی وے پر چلے جانے کی وجہ سے بچ گیا تھا۔

بھارتی میڈیا رپورٹس کے مطابق زیرحراست مرکزی قاتل پریاورت عرف فوجی ان گینگسٹرز کی قیادت کر رہا تھا جنہوں نے موسے والا پر فائرنگ کی۔

اس نے دوران تفتیش بتایا کہ 27 مئی کے روز سدھو موسے والا ایک مقدمے کے سلسلے میں عدالت گیا تھا، عدالت جانے کے لیے وہ اکیلا ایک کار میں گھر سے نکلا تھا۔

یہ بھی پڑھیں: کرن جوہر کی جان کو خطرہ، گینگسٹر کی ہٹ لسٹ پر ہونے کا انکشاف

ملزم نے بتایا ہے کہ اس دن بھی 29 مئی کو پیچھا کرنے والی دونوں گاڑیوں نے موسے والا کا تعاقب شروع کیا لیکن موسے والا گاﺅں کی لوکل سڑک چھوڑ کر ہائی وے پر چلا گیا اور بہت تیزرفتاری سے گاڑی چلانے لگا جس کی وجہ سے ملزمان کی منصوبہ بندی ناکام ہو گئی تھی۔