انگلینڈ اور پاکستان سپر لیگ(پی ایس ایل) میں کوئٹہ گلیڈی ایٹرز کی نمائندگی کرنے والے  کے شاندار اوپننگ بلے باز جیسن رائے نے کہا ہے کہ پی ایس ایل 7 کے دوران میں ذہنی دباؤ کا شکار تھا۔

تفصیلات کے مطابق جیسن رائے نے  پی ایس ایل 7 میں کوئٹہ گلیڈی ایٹرز کی نمائندگی کرتے ہوئے شاندار فارم میں تھے اور ٹیم کو کئی ٹھوس آغاز فراہم کیے۔

انہوں نے ایک انٹرویو میں بتایا کہ  میں اپنی بہترین کارکردگی کا مظاہرہ نہیں کر  پا رہا تھا،میں  واقعی اس تجربے سے لطف اندوز نہیں ہو رہا تھاکیونکہ ذاتی طور پر میں خود کو دبا ہوا محسوس کر رہاتھا۔

جیسن رائے نے کہا کہ پی ایس ایل میں میرے ساتھ چیزیں ذہنی طور پر ٹھیک نہیں تھیں، میں اچھی کرکٹ کھیل رہا تھا لیکن میں خود سے لطف اندوز نہیں ہو رہا تھا، میں خوش نہیں تھا اور یہ صرف ایک تاریک وقت تھا۔

بلے باز نے کہا کہ پی ایس ایل کے دوران  50 سے زائد دن  ہوٹل قرنطینہ میں گزارے  پھرجنوری میں  بیٹے کی پیدائش ہوئی اور اس سے دور  رہنا میرے لئے ایک مشکل وقت تھا۔

واضح رہے کہ جیسن رائے نے پی ایس ایل 7 میں  چھ میچوں میں 50.5 کی اوسط اور 170.22 کے اسٹرائیک ریٹ سے 303 رنز بنائے۔