الیکشن کمیشن کے کانفرنس حال میں حلف برداری کی تقریب کا انعقاد کیا گیا جس میں  الیکشن کمیشن حکام کے علاوہ ممبران کے اہل خانہ نے شرکت کی۔

دوسری جانب چیف الیکشن کمشنر سکندر سلطان راجہ نے صحافیوں سے غیر رسمی گفتگو کرتے ہوئے کہا کہ الیکشن کمیشن اپنے فیصلے بلا خوف کرتا ہے اور کرتا رہے گا۔

انہوں نے کہا کہ فیصلوں سے کوئی ناراض یا راضی ہوتا ہے یہ انکا مسئلہ ہے، الیکشن کمیشن آئین اور قانون کے مطابق فیصلے کرتا ہے۔

ان کا کہنا تھا کہ الیکشن کمیشن کا کام صاف شفاف اور غیر جانبدار انتخابات کا انعقاد ہے۔

انہوں نے بتایا کہ نئے انتخابات کے لئے حلقہ بندیوں پر تیزی سے کام جاری ہے تاہم مردم شماری سرکاری طور پر شائع ہونے سے قبل حلقہ بندیاں نہیں کی جاسکتیں ہیں۔