پاکستان کرکٹ ٹیم کے کپتان بابر اعظم نے کہا ہے کہ تینوں فارمیٹس میں نمبر 1 رینکنگ بلے باز بننا  ایک خواب ہے۔

تفصیلات کے مطابق حال ہی میں تجربہ کار بھارتی وکٹ کیپر  بلے باز دنیش کارتک آئی سی سی ریویو پر بات کر رہے تھے جب انہوں نے بابر  اعظم کو تینوں فارمیٹس میں نمبر 1 بلے باز کی درجہ بندی کرنے والے پہلے کھلاڑی بننے کا مشورہ دیا۔

بابر اعظم  فی الحال  ون ڈے اور  ٹی ٹوئنٹی رینکنگ میں نمبر 1 بلے باز ہیں، جبکہ وہ مارنس لیبوشین، اسٹیو اسمتھ، کین ولیمسن اور جو روٹ کے  بعد  ٹیسٹ  رینکنگ میں پانچویں نمبر  پر ہیں۔

انہوں نے کہا کہ بحیثیت کھلاڑی تمام فارمیٹس میں نمبر 1 بننا ایک خواب ہے اور اس کے لیے آپ کو توجہ مرکوز کرنی ہوگی اور سخت محنت کرنا ہوگی۔

کپتان نے کہا کہ اگر آپ تینوں فارمیٹس  میں نمبر 1 بننا چاہتے ہیں تو آپ کو خود کو فٹ اور ٹریک پر رکھنا ہوگا، بیک ٹو بیک کرکٹ ہے اور گیپ کم ہے اس کے لیے آپ کو اضافی فٹ ہونے کی ضرورت ہے۔

بابر اعظم نے کہا کہ یہ وہ چیز ہے جس کی میں تیاری کر رہا ہوں یہ وائٹ بال میں اچھا چل رہا ہے اور امید ہے کہ میں ٹیسٹ میں بھی اچھی کارکردگی کا مظاہرہ کر سکوں گا۔

واضح رہے کہ پاکستان اور ویسٹ انڈیز کے درمیان ون ڈے سیریز کے میچز 8،10 اور 12 جون کو ملتان اسٹیڈیم میں کھیلے جائیں گے۔