عالمی شہرت یافتہ جوڑی بارسلونا کے سٹار فٹبالر جیرارڈ پیکے اور گلوکارہ شکیرا کے درمیان 12 سال بعد علیحدگی ہوگئی۔

 دونوں سے متعلق بتایا جارہا تھا کہ جیرارڈ کی جانب سے مبینہ طور پر دھوکا دیے جانے کے بعد شکیرا جلد نے ان سے علیحدگی کا فیصلہ کیا۔

پی آر ایجنسی نے دونوں کا مشترکہ بیان جاری کیا جس میں کہا گیا ہے کہ “ہمیں یہ بتاتے ہوئے پشیمانی ہو رہی ہے کہ آج ہم علیحدہ ہو رہے ہیں۔”

جیرارڈ پیک اور شکیرا کے 2 بچے ہیں ، اپنے بچوں کے حوالے سے مداحوں سے درخواست کرتے ہوئے کہا کہ بچوں کی فلاح و بہبود کے لیے، جو ہماری اولین ترجیح ہیں، ہم آپ سے درخواست کرتے ہیں کہ ان کی پرائیویسی کا احترام کیا جائے۔

واضح رہے کہ شکیرا اور جیرارڈ پیک 12 سال سے ایک ساتھ ہیں، ان کی ملاقات 2010 کے فیفا ورلڈ کپ کے دوران جنوبی افریقہ میں ہوئی تھی۔ کولمبیئن گلوکارہ نے ٹورنامنٹ کا تھیم سانگ ’واکا واکا‘ گایا تھا، جس نے مقبولیت کے تمام ریکارڈ توڑ دیے تھے جبکہ پیکے نے اسپین کی ٹیم کے ہمراہ فیفا ورلڈ کپ ٹرافی جیتی تھی۔