گزشتہ روزعدالت نے ڈاکٹر عامر لیاقت حسین کے پوسٹ مارٹم پر حکم امتناع جاری کردیا، عدالتی فیصلہ سننے کے بعد ان کی سابقہ اہلیہ بشریٰ اقبال آبدیدہ ہوگئیں۔

عامر لیاقت حسین کی فیملی نے پوسٹ مارٹم کیلئے قبر کشائی کے جوڈیشل مجسٹریٹ کے حکم کے خلاف اپیل دائر کی جس پر عدالت نے پوسٹ مارٹم پر حکم امتناع جاری کردیا ہے۔

ویڈیو دیکھیں:

سابقہ اہلیہ بشریٰ اقبال نے ٹوئٹر پر اس حوالے سے اپنا ردعمل دیتے ہوئے ایک پوسٹ جاری کی ، جس میں انہوں نے قرآنی آیت ’حسبی اللہ ونعم الوکیل‘ تحریر کی اور ساتھ ہی اللہ کا شکر بھی اداکیا۔

حسبی اللہ ونعم الوکیل 💫الحمد للہ یارب

Advertisement

Order of #AamirLiaquat Exhumation (post mortem) has been suspended by Sindh High Court
#AamirLiaquatHussain #عامر_لیاقت_حسین #SHC https://www.bolnews.com/urdu/latest/2022/06/901031/amp/

— Dr Bushra Iqbal🇵🇰 (@DrBushraIqbal) June 22, 2022

یاد رہےکہ جوڈیشل مجسٹریٹ نے 23 جون کو صبح ساڑھے 9 بجے عامر لیاقت کے پوسٹ مارٹم کیلئے قبر کشائی کا حکم دے رکھا تھا۔

 اس کے بعد سندھ ہائی کورٹ میں عامر لیاقت کے صاحبزادے اور بیٹی کی جانب سے جوڈیشل مجسٹریٹ کے حکم کے خلاف آئینی درخواست دائر کی گئی۔

آج عدالت نے پوسٹ مارٹم پر حکم امتناع جاری کردیا۔

واضح رہےکہ 9 جون کو عامر لیاقت حسین کا کراچی کے علاقے خداداد کالونی میں واقعے اپنے آبائی گھر میں اچانک انتقال ہوگیا تھا، ابتداتی معلومات کے مطابق ان کا انتقال گھر میں جنریٹر کا دھواں بھر جانے سے ہوا۔