شہر کراچی میں بجلی بچت پلان پر عملدرآمد کے بعد پنجاب حکومت کی جانب سے بھی بچت پلان پر عمل کرنے کا فیصلہ کرلیا گیا ہے۔

اس حوالے سے ذرائع کا کہنا ہے کہ حکومت پنجاب کی جانب سے بجلی بچت پلان پر اگلے ہفتے سے عملدرآمد کیا جائیگا۔

ذرائع کا کہنا ہے کہ حکومت کی جانب سے تاجر تنظیموں اور چیمبرز سے مشاورت مکمل کر لی گئی ہے جس کے تحت صوبے میں  بازار  جلد کھولیں جائیں گے۔

اسکے علاوہ پنجاب بھر میں  رات نو بجے بازار بند ہو جائیں گے تاہم فارمیسی، بیکری، پٹرول پمپس کو استثنیٰ ہوگا۔

ذرائع کے مطابق حکومت کی جانب سے ریسٹورینٹ ہوٹل جلد  بند کرنے پر غور جاری ہے۔

ذرائع نے بتایا ہے کہ پہلے مرحلے میں یہ پابندی  دو ماہ  کےلئے ہو گی جس کے لئے چیمبر اور فیڈریشن نے حکومت کا ساتھ دینے پر آمادگی ظاہر کی گئی ہے تاہم جولائی اور اگست کے بعد مزید فیصلہ ہوگا۔