سندھ حکومت کی جانب سے حیدرآباد کے شہریوں کے لئے بھی سفری سہولیات مہیا کرنے کا اعلان کردیا گیا ہے۔

تفصیلات کے مطابق میڈیا سے گفتگو کرتے ہوئے صوبائی وزیر شرجیل انعام میمن نے کہا ہے کہ حکومت حیدرآباد کے لیئے بھی بی آر ٹی سفری سہولت کا منصوبہ پیش کرنے والی ہے۔

انہوں نے بتایا کہ اس پروجیکٹ کا پروپوزل ٹرانسپورٹرز کے ساتھ مل کر تیار کیا جارہاہے، بہت جلد حیدرآباد کے اندر بھی سفری سہولیات فراہم کرینگے۔

صوبائی وزیر کا کہنا تھا کہ پیپلزپارٹی مہنگائی پر خاموش نہیں ہے، پیپلزپارٹی کو احساس ہے، غریبوں کو کس طرح ریلیف دیا جائے اس پر سندھ حکومت کام کررہی ہے۔