پاکستانی اداکار جوڑی منیب بٹ اور ایمن خان کی ننھی صاحبزادی امل منیب کی دلچسپ ویڈیو سوشل میڈیا پر وائرل ہوگئی۔

 ایمن خان نے اپنی بیٹی کی ویڈیو فوٹو اور ویڈیو شیئرنگ ایپ انسٹاگرام پر شیئر کی جس میں ننھی امل کو دوران سفر گاڑی میں گانا گاتے ہوئے دیکھا جاسکتا ہے۔

ویڈیو دیکھیں:

وائرل ویڈیو میں امل منیب کو پرجوش انداز میں  گفتگو کرتے بھی دیکھا جاسکتا ہے، گاڑی میں موجود والدین منیب بٹ اور ایمن خان بھی بیٹی کو اس طرح دیکھ کر بے ساختہ مسکرا رہے ہیں۔

امل کی دلچسپ ویڈیو کو ایمن اور منیب کے مداحوں کی جانب سے بھی خوب سراہا جارہا ہے اور ننھی امل کو دعائیں دی جارہی ہیں۔

واضح رہے کہ ایمن خان کی جانب سے صاحبزادی امل کی ویڈیو اور تصاویر انسٹاگرام پر اکثر شیئر کی جاتی ہیں۔

اس سے قبل منال خان کی شادی میں بھی امل کی ویڈیو سوشل میڈیا پر وائرل ہوئی تھیں۔