پاکستان تحریک انصاف (پی ٹی آئی) کی رہنما مسرت چیمہ نے کہا ہے کہ آج انشاءاللہ انصاف کی جیت ہوگی۔

سماجی رابطے کی ویب سائٹ ٹوئٹر پر اپنے جاری کردہ بیان میں مسرت چیمہ نے کہا کہ ن لیگ کے عدالتی بائیکاٹ سے سب کو نظر آ چکا ہے کہ وہ مقدمہ ہار چکے ہیں، اب انشاءاللہ پنجاب میں ہماری حکومت ہوگی۔

آج انشاءاللہ انصاف کی جیت ہوگی. ن. لیگ کے عدالتی بائیکاٹ سے سب کو نظر آ چکا ہے کہ وہ مقدمہ ہار چکے ہیں اور اب انشاءاللہ پنجاب میں ہماری حکومت ہوگی. ہم کسی سیاسی انتقام کا ارادہ نہیں رکھتے لیکن ان خواتین اور بچوں پر ہونے والا ظلم کا بدلہ ہم پر قرض ہے pic.twitter.com/dx1tSKeWSJ

— Musarrat Cheema (@MusarratCheema) July 26, 2022

پی ٹی آئی رہنما نے مزید کہا کہ ہم کسی سیاسی انتقام کا ارادہ نہیں رکھتے لیکن ان خواتین اور بچوں پر ہونے والا ظلم کا بدلہ ہم پر قرض ہے۔

اس سے قبل انسداد دہشتگردی عدالت کے باہر ڈاکٹر یاسمین راشد نے میڈیا سے گفتگو کرتے ہوئے کہا کہ پنجاب میں حکومت ہم بنائیں گے، مارشل لاء کی طرح کے حالات بنا دیئے گئے۔

انہوں نے کہا کہ رانا صاحب آپ کو پیغام دینا چاہتی ہوں کہ رانا صاحب باہر نکلیں آپکو پتا چلے کہ پندرہ اور سولہ سیٹیں ہم نے لیں، اگر پنجاب حکومت مضبوط نہ ہو تو وہ غلط طریقے سے چپکنے کی کوشس نہ کرتے۔