موجودہ سیا سی صورتحال پر پاکستان شوبز انڈسٹری کی سینئیر نامور اداکارہ اور میزبان ثمینہ پیرزادہ نے بھی اپنی ذاتی رائے کا اظہار کرتے ہوئے ملک میں فوری طور پرعام انتخابات کرانے کا مطالبہ کر دیا۔

پاکستان شوبز انڈسٹری سے تعلق رکھنے والے بیشتر اسٹارز پرویز الہیٰ کے وزیرِاعلیٰ پنجاب منتخب ہونے پر خوشی کا اظہار کر رہے ہیں اور یہ سلسلہ ابھی تک جاری ہے۔

ثمینہ پیرزادہ نے سماجی رابطے کی ویب سائٹ ٹوئٹر پر جاری اپنی ٹوئٹ میں لکھا کہ’ اب پورے ملک میں انتخابات صاف شفاف اور فوری‘۔

ایک اور ٹوئٹ میں انہوں نے سوال کیا کہ ہم الیکٹڈ اور سلیکٹڈ کے ارد گرد ہی گھومتے رہیں گے یا ووٹ کی طاقت کو بھی کوئی کریٹڈ ملے گا ؟؟

Advertisement

اب پورے ملک میں انتخابات صاف شفاف اور فوری

— Samina Peerzada (@SaminaSays) July 26, 2022

ہم الیکٹڈ اور سلیکٹڈ کے ارد گرد ہی گھومتے رہیں گے یا ووٹ کی طاقت کو بھی کوئ کریٹڈ ملے گا ؟؟

— Samina Peerzada (@SaminaSays) July 26, 2022

 اس سے قبل ایک ٹوئٹ میں ثمینہ پیرزادہ نے عمران خان کی حمایت میں بڑی تعداد میں سڑکوں پر نکلنے والی عوام کی تعریف کرتے ہوئے لکھا کہ لوگوں کی طاقت زندہ آباد۔ بلّے بئی بلّے، شاندار ملک کی شاندار عوام۔

Peoples power zindabad

— Samina Peerzada (@SaminaSays) April 10, 2022

Ballay bai Ballay. Shandaaar Mulk Kay Shandaar Awam

— Samina Peerzada (@SaminaSays) April 10, 2022

واضح رہےکہ  گزشتہ رات انتظار کی گھڑیاں ختم ہوئیں اور سپریم کورٹ نے وزیراعلیٰ پنجاب کے انتخاب میں ڈپٹی اسپیکر کی رولنگ کالعدم قرار دیتے ہوئے چوہدری پرویز الٰہی کو وزیراعلیٰ پنجاب مقرر کردیا۔

حلف برداری کی تقریب اسلام آباد کے ایوان صدر میں ہوئی جہاں صدر مملکت ڈاکٹر عارف علوی نے چوہدری پرویز الہیٰ سے وزیراعلیٰ پنجاب کے عہدے کا حلف لیا۔

چوہدری پرویز الہٰی کی حلف برداری
کپتان کی جیت، ملک بھر میں جشن
مکمل ویڈیو یکھیں :https://www.bolnews.com/urdu/latest/2022/07/734934/amp/#CMPunjabPervaizElahi #ImranKhan #Headlines #BOLNewsHeadlines pic.twitter.com/adpzYTGiGV

— BOLNetwork (@BOLNETWORK) July 27, 2022

تقریب میں مونس الہیٰ، چوہدری وجاہت حسین، موسی الہیٰ، میاں محمود الرشید، زین قریشی، مراد راس، یاسمین راشد سمیت دیگر افراد نے شرکت کی۔

قبل ازیں گورنر پنجاب کے انکار کے بعد چوہدری پرویز الہیٰ حلف برداری کیلیے خصوصی طیارے سے اسلام آباد پہنچے جہاں اُن کا مونس الہیٰ نے استقبال کیا۔