ایئر پورٹس سیکیورٹی فورس اے ایس ایف نے کارروائی کے دوران اسمگلنگ کی کوششں ناکام بنادی ہے۔

تفصیلات کے مطابق ایس ایف نے کوئٹہ اور فیصل آباد ائیر پورٹ پر کارروائی کی ہے جس کے نتیجے میں کوئٹہ ایئر پورٹ پر دوبئی جانے والے مسافر شمشیر خان سے 1676  گرام آئس ہیروئن برآمد کرلی گئی۔

ترجمان اے ایس ایف کا کہنا ہے کہ فیصل آباد ایئر پورٹ سے دوبئی جانے والے مسافر عابد اللہ سے 650 گرام آئس ہیروئن برآمد کی گئی، مسافر شمشیر خان نے ہیروئن بیگ کی تہ میں جبکہ عابد اللہ نے بیگ کے اندر موجود شلواروں کے ازار بندوں میں چھپا رکھی تھی۔

ترجمان اے ایس ایف کے مطابق اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششیں ناکام بنا دیں، ملزمان کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا ہے۔