افواج پاکستان کے شعبہ تعلقات عامہ اور پاک بحریہ نے یوم آزادی کے حوالے سے خصوصی ملی نغمہ جاری کردیا ہے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے وطن عزیز کے 73ویں جشن آزادی کے موقعے پر خصوصی ملی نغمہ جاری کردیا گیا، ”ہم سب کا پاکستان” کے نام سے ملی نغمے میں آزادی کی اہمیت اور افواج پاکستان کی کامیابیوں کو اجاگر کیا گیا ہے۔

دوسری جانب پاک بحریہ کے شعبہ تعلقات عامہ نے بھی یوم آزادی پاکستان کی مناسبت سے ملی نغمہ جاری کیا ہے۔

وطن سے محبت اور نسبت کا یہ اظہار تمام پاکستانیوں کے جذبات کا ترجمان ہے۔ پاک بحریہ کی جانب سے ترجمانِ پاکستان وطن کے لیے خراج محبت ہے۔#ترجمان_پاکستان#PakistanNavy #IndependenceDay https://www.bolnews.com/urdu/latest/2022/08/320613/amp/

Advertisement

— DGPR (Navy) (@dgprPaknavy) August 13, 2022

 ترجمان پاک بحریہ کا کہنا ہے کہ پاک بحریہ نے یوم آزادی کی مناسبت سے خصوصی وڈیو جاری کردی گئی ہے، خصوصی وڈیو ”ترجمانِ پاکستان” پاک بحریہ کی جانب سے وطن کو خراج محبت ہے۔

ترجمان پاک بحریہ کا مزید کہنا ہے کہ خصوصی وڈیو میں پاکستان کی نامور شخصیات نے وطن سے نسبت اور محبت کا اظہار کیا ہے، نامور شخصیات کا یہ اظہار تمام پاکستانیوں کے جذبات کا ترجمان ہے۔