وفاقی وزیر اطلاعات مریم اورنگزیب نے کامن ویلتھ گیمز میں سونے کا تمغہ جیتنے پر محمد نوح دستگیر بٹ کو مبارکباد دی ہے۔

مریم اورنگزیب نے محمد نوح دستگیر بٹ کو مبارکباد دیتے ہوئے کہا کہ انہون نے پوری قوم کا سر فخر سے بلند کردیا ہے۔

واضح رہے کہ برمنگھم میں جاری کامن ویلتھ گیمز میں پاکستان کے ویٹ لفٹر نوح دستگیر نے گولڈ میڈل جیت کر تاریخ رقم کر دی۔

 پاکستانی ویٹ لفٹر نوح دستگیر بٹ نے 109 کلو گرام کیٹیگری میں نیا ریکارڈ بھی بنا ڈالا۔ انہوں  نے 109 کلو گرام کیٹگری میں سنیچ میں پہلی کوشش میں 170 کلوگرام وزن اٹھایا۔

نوح بٹ نے دوسری کوشش میں 173 کلوگرام وزن اٹھایا، تیسری کوشش میں پاکستانی ویٹ لفٹر نوح دستگیر نے 174 کلو گرام وزن اٹھا کر پاکستان کے لیے پہلا گولڈ میڈل حاصل کیا اور نیا ریکارڈ بھی بنا ڈالا۔

کامن ویلتھ گیمز میں 109 کلو گرام کیٹیگری کے مقابلوں میں بھارت،آسٹریلیا، انگلینڈ اور کنییڈا کے ویٹ لفٹرز کو شکست کا سامنا کرنا پڑا۔

پاکستان کے لیے کامن ویلتھ گیمز میں پہلا گولڈ میڈل حاصل کرنے پر ویٹ لفٹنگ ہال  پاکستان زندہ باد کے نعروں سے گونج اٹھا۔