عدالت نے کراچی سے لاہورجا کرپسند کی شادی کرنےسے متعلق کیس کی سماعت19 اگست تک ملتوی کردی۔

سندھ ہائی کورٹ میں کراچی سے لاہور جا کر پسند کی شادی کرنے سے متعلق کیس میں مبینہ مغویہ کا میڈیکل کروانے سے متعلق مدعی مقدمہ کی درخواست پر سماعت ہوئی۔

ملزم ظہیراور اس کا بھائی شبیر اپنے وکلا کے ہمراہ عدالت میں پیش ہوئے۔

دورانِ سماعت عدالت نے پوچھا کہ تفتیشی افسر کہاں ہیں، چالان جمع کروا دیا آپ نے؟

ڈی ایس پی سعید رند نے عدالت کو جواب دیا کہ چالان پراسیکیوٹر کے پاس جمع کرایا، اسکروٹنی پراسس چل رہا ہے۔

جسٹس صلاح الدین پنہورنے پوچھا کہ آپ چالان کب تک جمع کرا سکتے ہیں؟ جس پر تفتیشی افسر نے جواب دیا کہ آپ کہیں تو دو گھنٹے میں چالان جمع کروا دوں گا۔

عدالت نے کہا کہ آپ پہلے چالان ٹرائل کورٹ میں جمع کرائیں۔

وکیل مدعی مقدمہ نے کہا کہ ہم چاہتے ہیں چالان سے پہلے میڈیکل ہو جبکہ وکیل ملزمان نے کہا کہ سینئر وکیل 18 اگست سے پہلے دستیاب نہیں۔

سندھ ہائی کورٹ نے مقدمے کی سماعت 19 اگست کے لیے ملتوی کردی۔

فنڈزمیں 31 کروڑروپے کی کرپشن کے الزام میں اعجازجکھرانی کی عبوری ضمانت مسترد کر دی گئی۔

سماعت کی تفصیل