‘محبت آپ کو احمقانہ کام کرنے پر مجبور کردیتی ہے’
پاکستان شوبزانڈسٹری کے منجھے ہوئے صف اول کے اداکار نعمان اعجاز کسی تعریف کے محتاج نہیں، وہ آج بھی جب ٹی وی اسکرین پر آتے ہیں تو مداحوں کو اپنی اداکاری کے سحر میں جکڑ لیتے ہیں۔
نعمان اعجاز نے گزشتہ روز اپنی اور اپنی اہلیہ کی ایک یاد گار تصویر سوشل میڈیا پر شئیر کی اور کیپشن لکھا کہ محبت آپ کو احمقانہ کام کرنے پر مجبور کردیتی ہے اور یہ احمقانہ حرکت مجھ سے بھی ہو گئی اور میں نے بھی شادی کر لی۔
انہوں نے مزید لکھا کہ میری بیوی کو تو آسکر ملناچاہیے۔
اس سے قبل نعمان اعجاز نے سوشل میڈیا پر خود سے متعلق افواہوں کی تردید بھی کی تھی اور ان کی یہ پوسٹ کافی وائرل ہوئی ۔
اداکار نے سوشل میڈیا پر اپنا ویڈیو پیغام جاری کرتے ہوئے کہا کہ اسلام علیکم، میں نعمان اعجاز سیدھا جنت سے، آپ سب سے مخاطب ہوں۔
انہوں نے کہا کہ گزشتہ دنوں سوشل میڈیا پر یہ خبر چلی کہ میری حالت نازک ہے اور میں زندگی، موت کی کشمکش میں ہوں جس بھائی نے بھی یہ خبر چلائی اُسے ڈھیروں فالوورز مل گئے ہوں گے اور ہوسکتا ہے یوٹیوب والے اسے 400 یا 500 ڈالر کا چیک بھی دے دیں لیکن میں جنت میں پہنچ گیا ہوں۔
اداکار نے کہا کہ میں اس وقت جنت انجوائے کررہا ہوں اور دُعا بھی کررہا ہوں کہ خبر چلانے والا بھائی بھی جلدی جنت میں آجائے تاکہ ہم آگے کا منصوبہ بنائیں کہ اب کس کو سوشل میڈیا پر مارنا ہے۔
اُنہوں نے کہا کہ آج کل لوگ بےحس ہوچکے ہیں، انہیں ذرا شرم نہیں آتی کہ اس طرح کی خبروں سے دوسرے لوگوں کو کس قدر پریشانی ہوگی۔
واضح رہے کہ یوٹیوب پر ایک خبر شیئر کی گئی تھی جس میں کہا گیا کہ نعمان اعجاز کی حالت تشویشناک ہے، وہ زندگی اور موت کی جنگ لڑ رہے ہیں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News