محمد علی سیف نے کہا ہے کہ پوری قوم کو مہنگائی کے خلاف احتجاج کرنے کے لئے عمران خان کی کال کا انتظار ہے۔

تفصیلات کے مطابق وزیراعلیٰ خیبر پختونخوا کے معاون خصوصی برائے اطلاعات بیرسٹر محمد علی سیف نے پشاور میں میڈیا سے گفتگو کرتے ہوئے کہا کہ پوری قوم کو مہنگائی کے خلاف احتجاج کے لئے عمران خان کی کال کا انتظار ہے اور عوام کا جم غفیر سڑکوں پر نکل کر اسلام آباد کی طرف رواں دواں ہوگا۔

انہوں نے کہا کہ 27 کلومیٹر کے وفاقی دارالحکومت پر محیط امپورٹڈ حکومت عوام کے سمندر کے سامنے ریت کی دیوار ثابت ہوگی، جب عوام کا سمندر آگے بڑھے گا تو امپورٹڈ حکومت کو چھپنے کی جگہ نہیں ملے گی۔

وزیراعلیٰ خیبر پختونخوا کے معاون خصوصی برائے اطلاعات بیرسٹر محمد علی سیف نے مزید کہا کہ امپورٹڈ حکومت کے گرد گھیرا تنگ کرنے کے لئے تمام تر تیاریاں مکمل ہیں۔