امریکہ کے شہر ٹیکساس میں ایک ائیر شو کے دوران دو ہوائی جہاز آپس میں ٹکرانے کے ہولناک مناظر کی ویڈیو وائرل ہو گئی ہے۔

تفصیلات کے مطابق ٹیکساس کے ڈلاس ایگزیکٹو ہوائی اڈے پر جاری ایک ائیر شو کے دوران ایک ’بی 17‘ بمبار طیارہ اور ایک چھوٹا طیارہ آپس میں ٹکرا گئے۔

تصادم کے بعد دونوں طیارے زمین پر آ گرے اور ان میں آگ بھڑک اٹھی، ریسکیو ٹیموں نے فوری طور پر جائے حادثہ پر پہنچ کر آگ بجھائی، حکام کے مطابق اس حادثے میں دونوں طیاروں کے عملے سمیت 6 افراد ہلاک ہو گئے ہیں۔

pic.twitter.com/peyMeEMA25

Advertisement

— Giancarlo (@GianKaizen) November 12, 2022

ڈلاس کاؤنٹی کے جج کلے جینکنز نے اتوار کو ٹوئٹر پر کہا کہ ہمارے ڈلاس کاؤنٹی کے میڈیکل ایگزامینر کے مطابق کل کے ونگز سے ڈلاس ایئر شو کے واقعے میں کل 6 ہلاکتیں ہوئیں۔

اس واقعے کی ویڈیو میں دیکھا جا سکتا ہے کہ ایک بی 17 دیو ہیکل طیارہ سیدھی اور نیچی پرواز کر رہا تھا کہ اچانک دوسری جنگ عظیم کے دور کا ایک چھوٹا طیارہ امریکی بمبار طیارے سے جا ٹکرایا، جس کے بعد دونوں طیاروں کے ٹکڑے ہو جاتے ہیں اور زمین پر گر جاتے ہیں۔

OMG – two planes collided at ‘Wings Over Dallas’ air show today

Advertisement

This is crazy

pic.twitter.com/CNRCCnIXF0

— James T. Yoder (@JamesYoder) November 12, 2022

امریکی میڈیا کی رپورٹس کے مطابق یہ تصادم ڈیلاس ایگزیکٹو ایئرپورٹ پر ونگز اوور ڈیلاس ایئر شو کے دوران ہوا، وفاقی ایجنسیوں کی تفتیش کے مطابق ایک سنگل پائلٹ چھوٹا طیارہ بی 17 کنگ کوبرا بمبار سے جا ٹکرایا۔

واضح رہے کہ امریکہ میں اس سے قبل 2 اکتوبر 2019 کو ونڈسر لاکس کنیکٹی کٹ کے ہوائی اڈے پر بی 17 کے حادثے میں 7 افراد ہلاک ہوئے تھے۔