وزیراعظم شہباز شریف مصر کے شہر شرم الشیخ پہنچ گئے۔

تفصیلات کے مطابق وزیر اعظم شہباز شریف ‘ کلائمیٹ امپلیمنٹیشن سمٹ میں شرکت کے لیے مصر کے شہر شرم الشیخ پہنچے تو شرم الشیخ انٹرنیشنل ایئرپورٹ پر مصر کے اعلیٰ حکام، پاکستانی سفیر اور سفارتخانے کے حکام نے وزیراعظم کا استقبال کیا۔

وزیراعظم محمد شہباز شریف شرم الشیخ کلائمیٹ امپلیمنٹیشن سمٹ میں شرکت کریں گے۔

مصر روانگی سے قبل اپنے ایک پیغام میں وزیر اعظم شہباز شریف نے کہا کہ کوپ-27 کانفرنس کا مصر میں انعقاد ماحولیاتی تبدیلی اور عالمی حدت کے خلاف انسانیت کی جنگ میں ایک سنگ میل ثابت ہوگا۔

وزیر اعظم شہباز شریف کا کہنا تھا کہ اس وقت پاکستان اور افریقا میں انتہائی موسمی واقعات نے ماحولیاتی تبدیلی کی عالمگیریت کو ظاہر کیا ہے، اس کے مہلک اثرات پر آنکھیں بند کرنا مجرمانہ غفلت ہوگی۔