آصف زرداری کی وزیراعظم سے ملاقات، اہم تقرری پر تبادلہ خیال
سابق صدر آصف علی زرداری نے وزیراعظم شہباز شریف سے ملاقات کی ہے جس میں اہم تقرری پر تبادلہ خیال کیا گیا ہے۔
تفصیلات کے مطابق وزیراعظم شہباز شریف نے کورونا سے صحتیابی کے بعد ملاقاتوں کا آغاز کردیا ہے۔ پاکستان پیپلزپارٹی کے شریک چیئرمین اور سابق صدر آصف علی زرداری، شہباز شریف کی خیریت دریافت کرنے وزیراعظم ہاؤس پہنچے۔
وزیراعظم شہباز شریف نے سابق صدر آصف علی زرداری کا استقبال کیا تاہم کورونا ایس او پیز کے تحت بغل گیر نہ ہوئے جب کہ بات چیت بھی ایس او پیز کے تحت فاصلے پر بیٹھ کر کی۔
ذرائع کا کہنا ہے کہ ملاقات میں ملک کی مجموعی سیاسی صورتحال زیر غور آئیں اور دونوں رہنماؤں کے درمیان اہم عسکری تعیناتی سے متعلق اُمور پر بھی تبادلہ خیال کیا گیا۔
اس سے قبل وزیراعظم شہباز شریف سے وزیر دفاع خواجہ آصف نے ملاقات کی ہے، جس میں اہم تعیناتیوں سے متعلق مشاورت ہوئی۔ ملاقات کے موقع پر وزیراعظم کے معاون خصوصی ملک احمد خان بھی موجود تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News