یورپی ممالک کی پارلیمنٹ نے روس کو دہشت گردی کی سرپرست ریاست کا بل پاس کر دیا ہے۔

غیر ملکی میڈیا کی رپورٹس کے مطابق یورپی پارلیمنٹ میں آج روس کی یوکرین پر چڑھائی کے خلاف ایک قرارداد پیش کی گئی جسے بھاری اکثریت سے منظور کر لیا گیا۔

یوکرین کے صدر زیلنسکی نے اس قرار داد کا خیرمقدم کیا لیکن واشنگٹن کی جانب سے ابھی تک اس قرار دار پر کوئی ردعمل نہیں آیا۔

یورپی پارلیمنٹ نے روس کو “دہشت گردی کا ریاستی سرپرست” قرار دیتے ہوئے کہا ہے کہ یوکرین میں ماسکو کے جان بوجھ کر حملے اور مظالم انسانی حقوق اور بین الاقوامی انسانی قوانین کی خلاف ورزی ہیں۔

واضح رہے کہ آج یورپی قانون سازوں نے  قرارداد منظور کی جس کے حق میں 494 اور مخالفت میں 58 آئے جبکہ 44 نے ووٹ نہیں دیا۔

I welcome @Europarl_EN decision to recognize Russia as a state sponsor of terrorism and as a state which uses means of terrorism. Russia must be isolated at all levels and held accountable in order to end its long-standing policy of terrorism in Ukraine and across the globe.

— Володимир Зеленський (@ZelenskyyUa) November 23, 2022

قرارداد میں کہا گیا کہ روسی فیڈریشن کی جانب سے یوکرین کی شہری آبادی کے خلاف جان بوجھ کر کیے جانے والے حملے اور مظالم، شہری انفراسٹرکچر کی تباہی اور انسانی حقوق اور بین الاقوامی انسانی قانون کی دیگر سنگین خلاف ورزیاں دہشت گردی کی کارروائیوں کے مترادف ہیں۔

مبصرین کے مطابق یہ اقدام بڑی حد تک علامتی ہے کیونکہ یورپی یونین کے پاس اس کی حمایت کے لیے کوئی قانونی ڈھانچہ نہیں ہے۔

یوکرین کے صدر ولادیمیر زیلنسکی نے ووٹنگ کا خیرمقدم کرتے ہوئے کہا کہ روس کو ہر سطح پر الگ تھلگ اور جوابدہ ہونا چاہیے۔

زیلنسکی نے ریاستہائے متحدہ اور دیگر ممالک پر زور دیا کہ وہ اس کی پیروی کریں کیونکہ اس نے ماسکو پر شہریوں کو نشانہ بنانے کا الزام لگایا، لیکن اس الزام کی روس نے تردید کی ہے۔