مسرت جمشید چیمہ نے کہا ہے کہ 22کروڑ عوام عمران خان کے ساتھ کھڑی ہے۔

تفصیلات کے مطابق ترجمان وزیراعلیٰ و پنجاب حکومت مسرت جمشید چیمہ نے اپنے ایک بیان میں کہا کہ مشکل فیصلوں سے روکنے اور مرضی کے فیصلوں کے لئے جعلی آڈیو لیک کی جارہی ہیں۔

انہوں نے کہا کہ جب بھی ن لیگ دباؤ میں آتی ہے تو جعلی آڈیوز ویڈیوز کا پراپگنڈہ شروع کر دیتے ہیں، ہمیں ان کی ان اوچھی حرکتوں سے فرق نہیں پڑتا۔

مسرت جمشید چیمہ کا کہنا تھا کہ آٹھ ماہ میں دو کروڑ لوگ خط غربت سے نیچے چلے گئے، حقیقی مسائل سے توجہ ہٹانے کے لیے سب کچھ کیا جارہا ان کو چاہیے ویڈیو سینٹر کھول لیں۔

مزید پڑھیں؛ پاکستان کی معیشت کو دلدل سے نکالنے کا واحد حل فوری انتخابات ہیں، مسرت جمشید چیمہ

ان کا یہ بھی کہنا تھا کہ 22کروڑ عوام عمران خان کے ساتھ کھڑی ہے جبکہ ان حرکتوں سے عوام کی ہمدردیاں عمران خان کے ساتھ بڑی ہیں۔

ترجمان وزیراعلیٰ و پنجاب حکومت مسرت جمشید چیمہ کا مزید کہنا تھا کہ یہ لوگ چالیس سال پہلے بھی اخلاقی اقدار سے ناآشنا تھے اور اب بھی، عوام ان کو بددعائیں دے رہی ہے، ہمارے نمبر 186 سے اوپر ہونگے۔