بھارت میں جاری ہاکی ورلڈ کپ کے پری کوارٹر فائنل میں نیوزی لینڈ نے بھارت کو پنلٹی ککس پر شکست دے دی

تفصیلات کے مطابق کلنگا ہاکی اسٹیڈیم میں ہاکی ورلڈ کپ کے پری کوارٹر فائنل میں نیوزی لینڈ نے بھارت کو 4-5 گول سے شکست دے دی، اس شکست کے بعد بھارت ٹورنامنٹ سے باہر ہو گیا ہے۔

کلنگا اسٹیڈیم میں کھیلے گئے ہاکی ورلڈ کپ کے کراس اوور میچ میں بھارتی ٹیم کو کانٹے کی ٹکر کے بعد شکست کا منہ دیکھنا پڑا۔ پورے میچ کے دوران بھارتی ٹیم مضبوط پوزیشن میں نظر آئی، لیکن آخر میں کیویز نے بازی مار لی۔

کلنگا اسٹیڈیم میں کھیلے گئے میچ میں دونوں ٹیمیں مقررہ وقت میں 3-3 گول سے برابر تھیں، بھارت کی جانب سے للت اپادھیائے، سکھجیت سنگھ اور ورون کمار نے گول کئے۔

نیوزی لینڈ کی جانب سے سیم لین نے فیلڈ گول کیا جبکہ کین رسیل اور شان فائنڈلے نے پینالٹی کارنر کو گول میں تبدیل کیا۔

میچ برابر ہونے کے بعد ریفری نے نتیجے کے لیے پنالٹی شوٹ آؤٹ کا سہارا لیا گیا۔

اس سے پہلے بھارت نے اپنے گروپ کے آخری میچ میں اسپین کو شکست دی تھی، جس کی وجہ سے وہ گروپ ڈی میں دوسرے نمبر پر رہا تھا۔

انگلینڈ کی ٹیم گروپ کے پوائنٹس ٹیبل میں پہلے نمبر پر تھی اور اسے براہ راست کوارٹر فائنل میں جگہ ملی۔ بھارت کے پاس صرف کراس اوور میچ کے ذریعہ ہی کوارٹر فائنل تک پہنچنے کا راستہ تھا.

پنالٹی شوٹ آؤٹ میں ایک موقع پر دونوں ٹیموں کا اسکور 4-4 سے برابر تھا، بھارتی شوٹر نے اپنی آخری پنالٹی ضائع کر دی، جبکہ نیوزی لینڈ کے شوٹر نے گول کر کے اپنی ٹیم کو کامیابی دلا دی۔

کوارٹر فائنل میں اب نیوزی لینڈ کا مقابلہ موجودہ عالمی چیمپئن بیلجیئم سے ہوگا.