سابق وزیراعظم عمران خان نے کہا ہے کہ فروری کے آخرتک انتخابات کی تاریخ آجائے گی۔

تفصیلات کے مطابق سابق وزیراعظم اور پاکستان تحریک انصاف (پی ٹی آئی) کے چیئرمین عمران خان نے عوام سے خطاب کرتے ہوئے کہا کہ آج پاکستان کی تاریخ کا سب سے بڑا بحران ہے اور پاکستان آج مسائل کا شکار ہے۔

چیئرمین پی ٹی آئی نے کہا کہ پاکستان میں بحران کا ذمہ دار صرف ایک شخص ہے اور ملک میں یہ فیصلہ کن وقت ہے۔

سابق وزیراعظم نے یہ بھی کہا کہ  20 سالوں سے دو خاندان ایک دوسرے کو چور کہتے رہے اور ملک کو لوٹتے رہے۔

عمران خان کا کہنا تھا کہ ملک تباہی کی طرف بھی جاسکتا ہے جبکہ 90 کی دہائی سے پاکستان ہمیشہ آگے تھا لیکن پاکستان ٹوٹا اور بنگلا دیش بنا وہ بھی بڑا بحران تھا۔ملک میں بحران پیدا ہونےوالا ہے جس کی 7ماہ پہلے پیشگوئی کی تھی۔

یہ بھی پڑھیں؛ترقی کا انحصار انفارمیشن ٹیکنالوجی کے فروغ میں ہے، عمران خان

ان کا کہنا تھا کہ نااہلوں نے معیشت کا برا حال کر دیا ہے، یہ انتظار میں ہیں باہر سے کہیں دوتھیلیاں پیسوں کی آجائیں، نہ ان کو کہیں سے پیسے ملنے نہ یہ معشت ٹھیک کرسکتے ہیں۔

عمران خان کا یہ بھی کہنا تھا کہ پاکستان کی تاریخ میں ہم نے وہ کامیابی حاصل کی تھی جو کسی نے حاصل نہیں کی اور سب کو مل کر جدوجہد کر کے اس ملک کو نکالنا ہے۔

انہوں نے کہا کہ مسائل کے حل کے لیےجلد الیکشن بہت ضروری ہے ہیں، امید ہے فروری کے آخرتک انتخابات کی تاریخ آجائے گی۔

سابق وزیراعظم اور چیئرمین پاکستان تحریک انصاف (پی ٹی آئی) نے مزید کہا کہ ہم ملک کو اس دلدل سے نکالنے کیلئے کام کر رہے ہیں، کسی کی سپورٹ نہیں، صاف شفاف الیکشن چاہئیں۔