میرا خیال ہے ق لیگ آگے پی ٹی آئی کا حصہ بن جائے گی، عمران خان

توشہ خانہ کیس: عدالت کی برہمی کے بعد عمران خان نے پٹیشن واپس لینے کی درخواست دائر کر دی
سابق وزیراعظم عمران خان کا کہنا ہے کہ مونس الہی نے بہت اچھا کردار ادا کیا ہے، میرا خیال ہے ق لیگ آگے پی ٹی آئی کا حصہ بن جائے گی۔
پاکستان تحریک انصاف کے چیئرمین عمران خان نے سینئر اینکر پرسنز سے ملاقات کے دوران کہا کہ پنجاب اسمبلی کی تحلیل کے فوری بعد کے پی کے اسمبلی تحلیل کردی جائے گی، یہ نگران سیٹ اپ کو طول نہیں دے پائیں گے، نئی اسٹیبلشمنٹ ان کا بوجھ نہیں اٹھا سکتی۔
عمران خان نے پنجاب اسمبلی میں اعتماد کے ووٹ کے دوران 186 ممبران پورے ہونے پر خوشی کا اظہار کرتے ہوئے کہا کہ ہمیں لگ رہا تھا ہمارے 186 ارکان پورے نہیں ہوپائیں گے، مگر ہم نے 186 ارکان پورے کرکے دکھادیے۔
یہ بھی پڑھیں؛ اسمبلی تحلیل کرنے کی سمری مل گئی ہے، گورنر پنجاب
ایک سوال کے جواب میں انہوں نے کہا کہ مونس الہی نے بہت اچھا کردار ادا کیا ہے، میرا خیال ہے ق لیگ آگے پی ٹی آئی کا حصہ بن جائے گی۔
خیال رہے کہ وزیراعلیٰ پنجاب چوہدری پرویز الہیٰ اعتماد کا ووٹ لینے میں کامیاب ہوئے ہیں جس کے بعد انہوں نے پنجاب اسمبلی تحلیل کرنے کے لیے سمری پر دستخط کرکے گورنر پنجاب کو ارسال کردی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News