پاکستان اور امریکہ کے درمیان دفاعی مذاکرات کا دوسرا دور کل سے 16 فروری تک واشنگٹن ڈی سی میں ہوگا۔

ترجمان دفتر خارجہ کی جانب سے جاری کردہ بیان کے مطابق پاکستان اور امریکا کے درمیان دفاعی مذاکرات جاری ہیں ، پاک امریکا مڈ لیول دفاعی مذاکرات 13 سے 16 فروری تک واشنگٹن ڈی سی میں ہوں گے، ان مذاکرات کا پہلا دور جنوری 2021ء میں پاکستان میں منعقد ہوا تھا۔

ترجمان دفتر خارجہ کا کہنا ہے کہ پاکستان کی طرف سے انٹرایجنسی وفد کی قیادت چیف آف جنرل سٹاف کریں گے جبکہ وفد میں وزارت خارجہ ، جوائنٹ سٹاف ہیڈ کوارٹرز اور تینوں مسلح افواج ہیڈ کوارٹرز کے حکام شامل ہیں۔

ترجمان دفتر خارجہ کا مزید کہنا ہے کہ امریکی ٹیم کی نمائندگی انڈر سیکرٹری ڈیفنس آفس کرئے گا ، مذاکرات میں دفاعی و سیکیورٹی تعاون کے امور زیر بحث آئیں گے۔