امریکہ میں سان فرانسسکو بیوٹی کوئین کے 99 سالہ تاریخ میں پہلی بار ایک ٹرانس جینڈر خاتون نے تاج اپنے سر پر سجا لیا۔

تفصیلات کے مطابق سان فرانسسکو بیوٹی کوئین کی مقابلے کی 99 سالہ تاریخ میں پہلی بار ٹرانس جینڈر 25 سالہ منرو لیس نے مقابلہ جیت کر نئی تاریخ رقم کر دی ہے۔

سان فرانسسکو بیوٹی کوئین مقابلے میں کوالیفائی کرنے کے لیے لوگ سالوں محنت کرتے ہیں، بیوٹی کوئین منرو لیس نے کہا کہ میری جیت کا بڑا مقصد چھوٹے بچوں کے لیے رول ماڈل بننا ہے۔

واضح رہے کہ دنیا کے بیشتر ممالک میں خوبصورتی کے متعدد مقابلوں میں ٹرانس جینڈر کی شرکت پر پابندی عائد ہے لیکن امریکہ میں باضابطہ طور پر اس قانون کا اطلاق نہیں کیا جاتا۔

دنیا بھر میں ہونے والے مقابلہ حسن میں شرکت کے لیے پیدائشی سرٹیفیکیٹ میں جنس کے خانے میں خاتون لکھا ہونا ضروری سمجھا جاتا ہے۔

منرو لیس کے سرٹیفیکیٹ میں جنس کے خانے میں مرد لکھا ہوا تھا جسے منرو نے کیلیفورنیا کے قوانین کے مطابق درست کرنے کی درخواست دی تھی جو خوش قسمتی سے منظور ہو گئی تھی۔

بیوٹی کوئین کے اس مقابلے میں ٹرانس جینڈر منرو لیس کی کامیابی اس وقت عوامی گفتگو کا موضوع بن گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/07/232919/amp/ کو لائک کریں