مشہور زمانہ فلم سیریز مِشن امپاسبل کی نئی فلم ’مشن امپاسیبل 7 کا ایکشن سے بھرپور ٹریلر دیکھنے کے بعد شاہ رخ خان کے مداحوں کی جانب سے اس فلم کے کچھ سین پر کاپی کا الزام عائد کر دیا گیا ہے۔

غیر ملکی خبر رساں ادارے کے مطابق کنگ خان کے مداحوں نے الزام عائد کیا ہے کہ فلم ’مشن امپاسیبل 7 کے ٹریلر کے کچھ سین فلم پٹھان سے کاپی کیے گئے ہیں۔

بھارتی مداحوں کی جانب سے کہا گیا ہے کہ ہالی ووڈ کے سُپر اسٹار ٹام کُروز کی نئی فلم سیریز مِشن امپاسیبل 7 میں شاہ رخ خان اور سلمان خان کی تقل کی گئی ہے۔

مداحوں نے اس بات کا دعویٰ کیا ہے کہ مشن امپاسیبل 7 میں ٹام کروز کا ٹرین اسٹنٹ بھارتی فلم پٹھان سے کاپی کیا گیا ہے جو ان کے خیال میں شاہ رخ خان کی فلم پٹھان کے ایک سین سے ملتا جلتا ہے۔

تاہم ٹریلر میں دیکھا جاسکتا ہے کہ ایک ٹرین ٹوٹے ہوئے پل سے گرتی ہے، جس کی وجہ سے ہیرو کو ایک کھائی میں چھلانگ لگانی پڑ جاتی ہے جیسا کہ ہم نے فلم پٹھان میں دیکھا تھا۔

تاہم اس فلم کے فائنل شاٹ میں بھی ٹام کروز کو اپنی زندگی بچانے کیلئے ایک آہنی پول سے لٹکا ہوا دیکھا جاسکتا ہے۔

یاد رہے کہ فلم کا یہی منظر فلم پٹھان کے اس منظر کی عکاسی کرتا ہے کہ جس میں سپر اسٹار شاہ رخ خان اور سلمان خان چلتی ٹرین میں روسی گارڈز سے لڑتے ہیں اور پھر اسی طرح کے انداز میں گرتی ہوئی ٹرین سے لٹک کر موت کے منہ میں جانے سے بچ جاتے ہیں۔

واضح رہے کہ شاہ رخ خان کے بہت سے مداحوں نے سوشل میڈیا پر دونوں مناظر کے ساتھ ساتھ موازنہ کے لیے مختلف زاویوں سے تصاویر شیئر کی ہیں۔