منچن آباد کی حدود میں سیلابی پانی نے تباہی مچا دی، 85 سے زائد آبادیوں میں پانی داخل ہوگیا، لوگ گھروں میں محصور ہوگئے۔

تفصیلات کے مطابق منچن آباد کی حدود میں رتیکا پتن کے مقام پر پانی کی سطح بلند ہوگئی۔ سیلابی پانی 85 سے زائد آبادیوں میں داخل ہوگیا۔ زمینی رابط منقطع ہونے سے لوگ گھروں میں محصور ہو کر رہ گئے۔

تیز بہاؤ کے باعث پانی گورنمنٹ گرلز ایلیمنٹری اسکول اکبر ماڑی نہال میں داخل ہوگا جس سے تعلیمی سرگرمیاں معطل ہو گئی۔

سیلابی پانی کے باعث منچن آباد کی حدود میں ہزاروں ایکڑ پر کھڑی فصلیں تباہ ہوگئیں، علاقہ مکینوں کی جانب سے منتقلی کاعمل جاری ہے جبکہ ریسکیو ٹیمیں متحرک ہیں۔

ادھرترجمان پی ڈی ایم اے کا کہنا ہے کہ ہیڈ اسلام میں پانی کا بہاؤ 1 لاکھ 51 ہزار کیوسک ہے۔ گنڈا سنگھ کے مقام پر بھی اونچے درجے کا سیلاب ہے۔

ترجمان پی ڈی ایم اے کے مطابق گنڈا سنگھ کے مقام پر پانی کا بہاؤ 1 لاکھ 22 ہزار کیوسک ہے۔ سلیمانکی مقام پر درمیانے درجے کا سیلاب ہے۔ دریائے سندھ میں کالاباغ اور چشمہ کے مقام پر نچلے درجے کا سیلاب ہے۔

ڈی جی پی ڈی ایم اے کا کہنا ہے کہ دریائے چناب راوی اور جہلم میں پانی کا بہاؤ نارمل ہے، دریاؤں، براجز ،ڈیمز اور نالہ جات میں پانی کے بہاو کی مسلسل نگرانی کی جا رہی ہے۔ شہری دریاؤں ندی نالوں میں نہانے اور سیر و تفریح سے گریز کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/620880/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/08/620880/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔