گورنر پنجاب محمد بلیغ الرحمان نے کہا ہے کہ پولینڈ کے کاروباری اداروں اور سرمایہ کاروں کو پاکستان میں سرمایہ کاری کے لیے خوش آمدید کہتے ہیں۔

تفصیلات کے مطابق پاکستان میں پولینڈ کے سفیر میکج پسارسکی نے گورنر پنجاب محمد بلیغ الرحمان سے ملاقات کی جس میں تعلیم اور تجارت میں دو طرفہ تعلقات کو فروغ دینے پر تبادلہ خیال ہوا۔

گورنر پنجاب نے اس موقع پر کہا کہ دونوں ممالک کے درمیان تاریخی خوشگوار تعلقات موجود ہیں، پاکستان پولینڈ کے ساتھ تعلقات کو بہت اہمیت دیتا ہے اور تعلیم، سرمایہ کاری سمیت مختلف شعبوں میں وسعت دینے کا خواہاں ہے، پاکستان اور پولینڈ کے تعلیمی اداروں کے درمیان مفاہمت کی نئی یادداشتوں (MOUs) پر دستخط کیے جائیں گے۔

ان کا کہنا تھا کہ پاکستان میں غیر ملکی سرمایہ کاروں کے لیے سازگار ماحول ہے، حکومت نے ملک میں فارن ڈائریکٹ انویسٹمنٹ کے لیے سازگار پالیسی بنائی ہے، ہم نے غیر ملکی سرمایہ کاروں کے لیے سپیشل انویسٹمنٹ فیسیلیٹیشن کونسل اور سپیشل اکنامک زونز بنائے ہیں، پولینڈ کے کاروباری اداروں اور سرمایہ کاروں کو  پاکستان میں سرمایہ کاری کے لیے خوش آمدید کہتے ہیں۔

اس موقع پر دونوں اطراف نے تجارت، سرمایہ کاری، توانائی، کان کنی، ڈیری اور زراعت، دفاع، نقل و حرکت، اعلیٰ تعلیم اور ویزا کی سہولت سمیت مختلف شعبوں میں تعاون بڑھانے کے لیے اپنے مشترکہ عزم کا اعادہ کیا۔

گورنر پنجاب نے آخر میں پولینڈ کے سفیر گورنر ہاوس کا دورہ بھی کرایا اور انہیں گورنر ہائوس کی تاریخ سے آگاہ کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/651980/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/08/651980/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں