گورنرپنجاب محمد بلیغ الرحمن نے یوم استحصال کشمیرکے موقع پراپنے پیغام میں کہا کہ 05 اگست 2019 کشمیر کی تاریخ کا سیاہ ترین دن ہے۔ 

گورنرپنجاب محمد بلیغ الرحمن نے کہا کہ اس دن بھارت نے غیر قانونی اقدام سے انسانی حقوق سلب کرکے کشمیر کی خصوصی حیثیت کو ختم کیا۔ بھارت کے زیر تسلط مقبوضہ کشمیر میں کشمیریوں پر ظلم و ستم اور حقوق کی خلاف ورزی قابل مذمت ہے۔

گورنر پنجاب نے کہا کہ بھارت اتنے ظلم و ستم کے باوجود کشمیریوں کا جذبہ حریت نہیں دبا سکا۔ کشمیری حق خودارادیت کے جائزحق کے لیے مسلسل قربانیاں دے رہے ہیں۔ بھارت مقبوضہ کشمیر میں مسلسل انسانی حقوق کی خلاف ورزی کر رہا ہے۔

بلیغ الرحمان نے کہا کہ مقبوضہ کشمیر میں انسانی حقوق کی خلاف ورزی پر اقوام عالم کو آواز اٹھانی چاہیئے۔ پاکستانی عوام اقوام عالم سے مطالبہ کرتی ہے کہ اقوام متحدہ کی قرادادوں کے مطابق کشمیریوں کو ان کا حق خودارادیت دلایاجائے۔

گورنر پنجاب نے کہا کہ بین الاقوامی برادری مظلوم کشمیریوں پر انسانیت سوز مظالم کا نوٹس لے۔ مسٔلہ کشمیر کا اقوام متحدہ کی قرادادوں کی روشنی میں پرامن حل خطے میں امن کے لیے انتہائی ضروری ہے۔  آج کے دن کشمیری بہن بھائیوں سے اظہار یکجہتی کرتے ہیں جو اپنے خون سے آزادی کی جدوجہد کی تاریخ رقم کررہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/08/962163/amp/ کو لائک کریں۔