بالی ووڈ کی معروف اداکارہ کاجول کی ساڑھی میں دلکش تصاویر سوشل میڈیا پر وائرل ہوگئی ہیں۔

کاجول نے فوٹو اینڈ ویڈیو شئیرنگ ایپ انسٹاگرام اکاؤنٹ پر مذہبی تہوار کے جشن میں لی گئی تصاویر شیئر کی ہیں۔

تصاویر میں اداکارہ کو پیلے رنگ کی ساڑھی پہنے دیکھا جاسکتا ہے جس میں وہ اور بھی زیادہ حسین لگ رہی ہیں۔

انہوں نے اپنی تصاویر شئیر کرتے ہوئے کیپشن میں لکھا کہ آئیں لوگوں، مسکرائیں۔

اداکارہ کاجول کی تصاویر کو ان کے مداحوں کی جانب سے بہت پسند کیا جارہا ہے اور تعریفی کامنٹس کا سلسلہ بھی جاری ہے۔

اس سے قبل اداکارہ کاجول کے بالی ووڈ میں 30 سال مکمل ہو گئے تھے۔

 کاجول کا شمار بالی ووڈ کی سب سے زیادہ پر کشش اور باصلاحیت اداکاروں میں ہوتا ہے، انہوں نے اپنے فنی کریئر کا آغاز 1992 میں فلم ’بے خودی‘ سے کیا تھا۔

اس کے بعد انہوں نے بازیگر، پیار کیا تو ڈرنا کیا، دل والے دلہنیا لے جائیں گے، کچھ کچھ ہوتا ہے، کبھی خوشی کبھی غم، گپت: دی پوشیدہ سچ، اور مائی نیم از خان جیسی فلموں میں اپنی اداکاری کے جوہر دکھائے۔

کاجول نے اپنی ہر دوسری فلم سے اپنی صلاحیتوں کو ثابت کیا، اور ایک کے بعد ایک بالی ووڈ کو سپرہٹ فلم دی، اس دوران انہیں مداحوں کی طرف سے بہت محبتیں بھی ملیں۔

بالی ووڈ میں 30 سال مکمل ہونے پر کاجول نے اپنے انسٹاگرام پر ایک پوسٹ شئیر کی تھی ، جس میں انہوں نے اپنے مداحوں کا شکریہ ادا کیا اور اپنی مقبول فلموں کا ایک ویڈیو مونٹیج بھی پوسٹ کیا۔

اداکارہ نے اپنی اس پوسٹ میں لکھا کہ کل کسی نے مجھ سے پوچھا کہ اس موقع پر میں کیا محسوس کر رہی ہوں؟ تو میں‌ یہ کہوں‌ گی کہ میں جو بھی محسوس کر رہی ہوں وہ الفاظ میں بیان نہیں‌ کر سکتی سوائے اس کے کہ  مجھے میرے پرستاروں نے ان تیس برسوں میں جو محبت اور پیار دیا میں اس کے لئے ان کی شکر گزار ہوں، میں ان کی اس غیر مشروط محبت کی قرضدارہوں۔

کاجول کو ان کے شوہر اجے دیوگن نے بھی سوشل میڈیا پر مبارکباد دی تھی اور ان کے ساتھ اپنی ایک فلم کی تصویر شئیر کی تھی۔