بالی وڈ اداکارہ کنگنا رناوت کی فلم چندر مکھی 2 نے پانچویں دن باکس آفس پر 28 کروڑ روپے کا بزنس کر لیا۔

غیر ملکی خبر رساں ادارے کے مطابق فلم  چندر مکھی 2 نے ہندی زبان میں اپنے پانچویں دن 4 کروڑ سے زیادہ کا بزنس کیا جبکہ اس فلم نے تمل زبان میں 18.48 کروڑ، تیلگومیں 5.4 کروڑ کا بزنس کیا ہے۔

فلم چندر مکھی 2 کی ہدایت کاری پی واسو نے کی ہے جس میں راگھوا لارنس اور کنگنا رناوت نے مرکزی کردار ادا کیا ہے۔

اس فلم میں کنگنا کو بادشاہ کے دربار میں ایک رقاصہ کا کردار ادا کرتے ہوئے دیکھا جا سکتا ہے۔

فلم کے قابل ذکر اداکاروں میں رادھیکا سرتھ کمار، لکشمی مینن، راؤ رمیش، اور ماہیما نمبیار شامل ہیں۔

چندر مکھی 2 کا میوزک ایم ایم کیروانی نے ترتیب دیا ہے اور فلم کو لائکا پروڈکشنز نے تیار کیا ہے۔

 اداکارہ کنگنا رناوت کی ہارر کامیڈی فلم چندر مکھی 2 کو مداحوں کی جانب سے بہت پسند کیا جا رہا ہے۔

 واضح رہے 28  ستمبر کو ریلیز ہونے والی  چندر مکھی  2  سال 2005 کی ہارر کامیڈی چندر مکھی کا سیکوئل ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/225632/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/10/225632/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں