چیف جسٹس پاکستان نے کنٹونمنٹ بورڈ کراچی کا ریسٹورنٹ، بینک، پولٹری والوں سے اضافی ٹیکس لینے کے معاملے پراٹارنی جنرل کو نوٹس جاری کردیا۔

سپریم کورٹ میں سماعت کے دوران چیف جسٹس قاضی فائز عیسٰی نے کہا کہ کنٹونمنٹ بورڈ کے پاس ٹیکس لگانے کا اختیار نہیں، وفاقی یا صوباٸی حکومت ٹیکس نافذ کرسکتی ہے۔

چیف جسٹس پاکستان نے استفسارکیا کہ کنٹونمنٹ بورڈ کو پروفیشنل پر ٹیکس لگانے کا اختیار کیسے ہے؟ جس پرایڈیشنل اٹارنی جنرل نے جواب دیا کہ وفاقی، صوباٸی اور لوکل حکومتوں کو ٹیکس لگانے کا اختیار ہے۔

ایڈیشنل اٹارنی جنرل عامر رحمان نے بتایا کہ لوکل حکومت منتخب باڈی ہے وہ ٹیکس لگا سکتی ہے جس پر چیف جسٹس قاضی فائزعیسٰی نے کہا کہ اگر وکیلوں پر ٹیکس لگ جائے تو کیا وہ لوکل گورٸمنٹ اکٹھا کرے گی؟

جسٹس اطہرمن اللہ نے کہا کہ ہمارے پاس تنازع یہ ہے کہ آرٹیکل 163کے تحت لوکل گورٸمنٹ ٹیکس نہیں لگا سکتی تاہم چیف جسٹس پاکستان نے کہا کہ ٹیکس کا اختیار کسی اور کو کیسے دیدیں؟

چیف جسٹس قاضی فائزعیسٰی نے کہا کہ ہم آٸین پاکستان کو نظرانداز نہیں کرسکتے، ایسا نہ ہو کہ ہمارا حکم آجائے تو سارے لگائے ٹیکس اڑ جائیں۔

سپریم کورٹ نے سماعت 13اکتوبر تک ملتوی کردی۔ چیف جسٹس قاضی فاٸزعیسی کی سربراہی میں تین رکنی بنچ نے سماعت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/10/376933/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/10/376933/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔