عامر خان نے اپنی نئی فلم کا اعلان کر دیا
بالی وڈ کے اداکار عامر خان نے اپنی نئی فلم ’ستارے زمین پر‘ کی تصدیق کردی ہے۔
عامر خان نے ایک تقریب میں اپنی آنے والی فلم کا اعلان کرتے ہوئے بتایا کہ یہ فلم ”تارے زمین پر“ سے دس قدم آگے ہوگی۔
اداکار نے کہا کہ میں نے ابھی اس فلم کے بارے میں عوامی سطح پر بات نہیں کی اور میں اب بھی زیادہ کچھ نہیں کہہ سکوں گا۔
انہوں نے مزید کہا کہ آپ کو میری فلم تارے زمین تو یاد ہی ہوگی اور اس فلم کا نام ستارے زمین پر ہے کیونکہ ہم اسی تھیم کے ساتھ دس قدم آگے کی فلم بنا رہے ہیں۔
ان کا کہنا تھا کہ موضوع ایک ہی ہے لیکن تارے زمین پر ایک جذباتی فلم تھی لیکن یہ فلم آپ کو ہنسائے گی کیونکہ اس فلم میں دلچسپ کہانی کے ساتھ مزاح کو ملایا گیا ہے۔
عامر خان اپنی آخری فلم ’لال سنگھ چڈا‘ میں نظر آئے تھے جسے اگست 2022 میں ریلیز کیا گیا تھا جس میں اداکارہ کرینہ کپور اور مونا سنگھ نے اہم کردار ادا کیا تھا۔
واضح رہے کہ اداکار نے ’غدر‘ اسٹار سنی دیول کے ساتھ مل کر فلم ’لاہور 1947‘ بنانے کا اعلان بھی کیا ہے اور اسے نامور ڈائریکٹر راج کمار سنتوشی بنائیں گے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/latest/2023/10/443626/amp/ کو لائک کریں
ٹوئٹر پر ہمیں فولو کریں https://www.bolnews.com/urdu/latest/2023/10/443626/amp/ اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News