اسلام آباد ہائی کورٹ نے توشہ خانہ فیصلہ معطل کرنے کی چیئرمین پی ٹی آئی کی متفرق درخواست پر نوٹس جاری کردیا۔

تفصیلات کے مطابق اسلام آباد ہائی کورٹ میں توشہ خانہ فوجداری کیس میں چیئرمین پی ٹی آئی کی توشہ خانہ کیس میں سزا کے خلاف مرکزی اپیل پر سماعت ہوئی۔

چیف جسٹس عامر فاروق اور جسٹس طارق محمود جہانگیری نے اپیل پر سماعت کی۔

چیئرمین تحریکِ انصاف کی جانب سے جونئیروکیل نے عدالت کو بتایا کہ چیئرمین پی ٹی آئی کے وکیل لطیف کھوسہ لاہورہیں، پیش نہیں ہوسکتے جس پرعدالت نے کہا کہ توشہ خانہ کیس کی مرکزی اپیل آئندہ ہفتےسماعت کے لیے مقررکرتے ہیں۔

اس کے ساتھ ہی اسلام آباد ہائی کورٹ نے چیئرمین پی ٹی آئی کی اپیل پرسماعت آئندہ ہفتے تک ملتوی کردی۔

توشہ خانہ فیصلہ معطل کرنے کی چیئرمین پی ٹی آئی کی متفرق درخواست پر نوٹس جاری کیا گیا، اسلام آباد ہائیکورٹ میں الیکشن کمیشن کے وکیل امجد پرویز نے نوٹس موصول کیا۔

ہائی کورٹ نے چیئرمین پی ٹی آئی کے وکلا کو الیکشن کمیشن کے وکیل کو کاپی فراہم کرنے کی ہدایت کی۔

چیئرمین تحریک انصاف کی جانب سے شعیب شاہین عدالت کے سامنے پیش ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/400422/amp/  کولائک کریں۔ ٹوئٹر پر ہمیں فالو کریں https://www.bolnews.com/urdu/latest/2023/11/400422/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔