بلوچستان میں دہشت گرد تنظیم بی این اے سےعلیحدگی کااعلان کرتے ہوئے سابق کمانڈر70ساتھیوں سمیت قومی دھارے میں شامل ہو گئے۔

کوئٹہ میں نگراں صوبائی وزیراطلاعات بلوچستان جان اچکزئی اوردیگرنے نیوزکانفرنس کی۔ سابق کمانڈر بی این اے نے کہا کہ کالعدم بی این اے سےعلیحدگی کا اعلان کررہا ہوں، 2014میں155معصوم شہریوں کوقتل کیاگیا۔

سابق بی این اےکمانڈرنے بتایا کہ بھارت سےپیسےلیکراپنے ہی لوگوں کاخون بہایاجارہاہے، کالعد م تنظیم اپنے مقاصد کیلئےخواتین کا استعمال کررہی ہے۔

سرفراز بنگل زئی نے کہا کہ کافی لوگ قومی دھارے میں شامل ہونےکیلئےتیارہیں، ہم آئے تو ریاست نے سینے سےلگایاعزت دی۔

Advertisement

کالعدم بی این اے کمانڈر 70 ساتھیوں سمیت قومی دھارے میں شامل
براہ راست دیکھیں:https://www.bolnews.com/urdu/latest/2023/12/579765/amp/#BOLNews #Quetta pic.twitter.com/nvrwC9FHFn

— BOL Network (@BOLNETWORK) December 20, 2023

جان اچکزئی نے کہا کہ نگراں وزیراعظم اور آرمی چیف نے دن رات کام کیا، بھارت کا سب سے بڑا ہدف بلوچستان ہے، بلوچستان کے قوم پرست قومی دھارے میں شامل ہورہےہیں، پاکستان کی ترقی کا راستہ بلوچستان سے جاتا ہے۔

نگراں صوبائی وزیراطلاعات نے کہا کہ قومی دھارے میں شامل ہونے والوں کوخوش آمدیدکہیں گے، ہم چاہتےہیں ناراض بلوچوں کی غلط فہمیاں دور ہونی چاہئیں، بلوچ قوم پرستوں کا ریاست پر اعتماد بڑھ رہا ہے۔

جان اچکزئی نے مذید کہا کہ بھارت بلوچستان میں حالات خراب کرنے کی کوشش کررہا ہے، گلزارامام شنبے نے مذاکرات کا راستہ ہموار کیا۔

واضح رہے کہ دہشت گرد کمانڈر سرفراز بنگلزئی نے ہتھیار ڈال دیے، سرفراز بنگلزئی کا تعلق کالعدم بلوچ نیشنل آرمی سے ہے۔

ہتھیار ڈالنے والے سرفراز بنگلزئی کا کالعدم بلوچ نیشنل آرمی میں گلزار امام شنبے کے بعد دوسرا نمبر تھا، دہشت گرد کمانڈر سرفراز بنگلزئی کا ہتھیار ڈالنا، پاکستان کی بڑی کامیابی ہے۔

کالعدم بی این اے کے کمانڈر سرفراز بنگلزئی نے بلوچستان میں بھارت کی ریاستی دہشت گردی کا پردہ چاک کر دیا۔