سینیٹ میں انتخابابی شیڈول ملتوی کرانے کی قرارداد کثرت رائے سے منظور کرلی گئی۔

ایوان بالا میں تیرہ ارکان موجود تھے جن میں سے مسلم لیگ ن کے سینیٹرنے قرارداد کی مخالفت کی جب کہ باقی بارہ ارکان نے قرارداد کی حمایت کرتے ہوئے اسے منظور کرلیا۔

مسلم لیگ لیگ ن کے افنان اللہ نے اس قرارداد کی مخالفت کی جبکہ بلوچستان عوامی پارٹی، فاٹا اراکین اور پیپلز پارٹی کے بہرمند تنگی نے 8 فروری 2024 کوانتخابات معطل کرنے کی قرارداد کی حمایت کی ہے۔

 قرارداد خیبرپختونخوا سے تعلق رکھنے والے آزاد سینیٹر دلاور خان نے پیش کی۔ سینیٹر دلاور خان نے کہا کہ ملک کے بعض علاقوں میں شدید سردی کا موسم ہے، سیاسی جماعتوں نے اپنے تحفظات کا اظہار کیا ہے۔

ان کا کہنا تھا کہ بعض سیاسی جماعتوں کے رہنماؤں کو سیکیورٹی تھریٹس ہیں، انٹیلی جنس ایجنسیز نے ریلیوں پر حملوں کا سیکیورٹی الرٹ جاری کیا ہے۔

دلاورخان نے کہا کہ جے یو آئی ف کے ارکان پر بھی حملہ ہوا، کے پی اور بلوچستان میں سیکیورٹی فورسز پر حملے ہوئے ہیں۔ الیکشن ریلی کے دوران انٹیلی جنس ایجنسویوں کے تھریٹ الرٹ ہیں، سینیٹ کہتا ہے کہ مسائل حل کیے بغیر الیکشن کا انعقاد نہ کیا جائے،  8 فروری کے الیکشن شیڈول کو ملتوی کیا جائے، الیکشن کمیشن انتخابات ملتوی کرانے پر عمل کرے۔