چیف جسٹس پاکستان جسٹس قاضی فائزعیسٰی نے ریمارکس دیے کہ جو ہتھکنڈے استعمال ہو رہے ہیں، ایسا لگ رہا ہے کچھ لوگ چاہتے ہیں کہ انتخابات نہ ہوں۔

سپریم کورٹ میں کوہاٹ پی کے 91 ریٹرننگ افسران معطل کرنے کے معاملے میں سماعت کے دوران چیف جسٹس پاکستان نے ریمارکس دیے کہ آپ اپنی مرضی کا ریٹرننگ افسرلگوانا چاہتے ہیں۔ جو ہتھکنڈے استعمال ہو رہے ہیں ایسا لگ رہا ہے کچھ لوگ چاہتے ہیں کہ انتخابات نہ ہوں۔

چیف جسٹس پاکستان جسٹس قاضی فائزعیسٰی نے کہا کہ ایک ریٹرننگ افسر بیمار ہوا دوسرا لگا دیا گیا، پشاور ہائی کورٹ نے ٹھک کر کے تقرری کنیسل کردی، ہم آپ کو جرمانہ کیوں نہ کریں، نوٹس کیے بغیرہی اپوائٹمنٹ کنسیل کردی۔ پشاورہائی کورٹ کے جج نے نوٹس جاری کرنا بھی مناسب نہ سمجھا۔ ریٹرننگ آفیسرکوئی بھی ہو کیا فرق پڑے گا بلاوجہ کی درخواستیں کیوں دائر کی جا رہی ہیں۔

الیکشن کمیشن کے وکیل نے جواب دیا کہ 27 دسمبر کی شام کو پشاور ہائی کورٹ نے حکمنامہ جاری کیا، 31 امیدواران کے کاغذات نامزدگی جمع ہوئے تھے۔ اس پر چیف جسٹس نے کہا کہ ابھی آرڈرکردیتے ہیں ریٹرننگ آفیسرزاسکروٹنی جاری رکھیں۔

سپریم کورٹ نے پی کے 91 ریٹرننگ آفیسرسے متعلق پشاورہائیکورٹ کا فیصلہ کالعدم کرتے ہوئے پشاور ہائیکورٹ فیصلے کے خلاف الیکشن کمیشن کی اپیل منظورکرلی۔