سابق گورنر پنجاب چوہدری سرور نے کہا ہے کہ مسلم لیگ ن سے ہماری کوئی سیٹ ایڈجسٹمنٹ نہیں ہوئی۔

تفصیلات کے مطابق چوہدری سرور نے اپنے ایک بیان میں کہا کہ مسلم لیگ ن سے ہماری سیٹ ایڈجسٹمنٹ نہیں ہوئی، مسلم لیگ ن سے ایک دو سیٹوں کا اتحاد نہیں کریں گے، جہاں ہمارے امیدوار نہیں وہاں کسی کی بھی حمایت کی جا سکتی ہے۔

چوہدری سرور نے کہا کہ بلاول بھٹو کی لاہور سے کامیابی وفاق کو مضبوط کرے گی، بلاول بھٹو سب سے بہترین امیدوار ہے، 2015 میں زرداری صاحب نے پیپلز پارٹی میں شمولیت کی دعوت دی، پنجاب کے لوگوں کو علم ہی نہیں تھا کہ بزدار ان کا وزیراعلیٰ ہو گا، تمام سیاسی جماعتوں کو مفاہمت کا راستہ اختیار کرنا چاہیے۔

ان کا کہنا تھا کہ تحریک انصاف کو مقبولیت حاصل ہے، بلاول کا لاہور سے الیکشن لڑنا دلیرانہ قدم ہے، ملک کے جو بھی حالات ہیں، الیکشن ہونے چاہیے، بلاول کے اقتدار میں آنے کے چانسز ہیں۔