بکنگھم پیلس کے ترجمان کا کہنا ہے کہ برطانیہ کے بادشاہ شہزادہ چارلس کو کینسر کی تشخیص ہوئی ہے۔

قطری خبر رساں ادارے بکنگھم پیلس کی جانب سے جاری بیان میں کہا گیا ہے کہ برطانیہ کے بادشاہ چارلس میں کینسر کی تشخیص ہوئی ہے اور وہ عوام کے سامنے اپنی ذمہ داریاں ملتوی کر دیں گے۔

بیان میں کہا گیا ہے کہ کینسر کی قسم کا انکشاف نہیں کیا گیا ہے لیکن بادشاہ نے باقاعدہ علاج شروع کر دیا ہے اور معمول کے مطابق ریاستی کام اور سرکاری کاغذی کارروائی جاری رکھیں گے۔

75 سالہ کنگ چارلس نے گزشتہ ماہ پروسٹیٹ کے بڑھنے کی اصلاحی کارروائی کے بعد تین راتیں اسپتال میں گزاریں تھیں۔

محل کا کہنا تھا کہ ٹیسٹ سے کینسر کی ایک قسم کی نشاندہی ہوئی ہے۔ ایک شاہی ذرائع نے خبر رساں ادارے کو بتایا کہ یہ پروسٹیٹ کینسر نہیں تھا۔

شاہی خاندان عام طور پر بیماریوں کے بارے میں تفصیلات شیئر نہیں کرتا کیونکہ وہ تمام طبی معاملات کو نجی معاملات سمجھتے ہیں۔

تاہم شاہی محل کا کہنا ہے کہ چارلس اپنی تفصیلات شیئر کرنے کے لیے بے چین ہیں تاکہ دنیا بھر میں کینسر سے متاثر ہونے والے تمام افراد کے لیے عوامی تفہیم میں مدد مل سکے۔

بکنگھم پیلس کی جانب سے یہ اعلان کینسر کے عالمی دن کے ایک دن بعد سامنے آیا ہے، جب ملکہ کیمیلا نے برطانیہ کے رائل فری اسپتال میں کینسر سپورٹ سینٹر میگی ز رائل فری کا افتتاح کیا تھا، جس کا مقصد آگاہی بڑھانا اور ماہرین کی دیکھ بھال اور مدد مفت فراہم کرنا تھا۔